Azərbaycanlılar Türkiyədə nə qədər ev alıb?

Türkiyədə əmlak almağa maraqlı olan azərbaycanlıların sayı artır. Türk lirəsinin ucuzlaşması nəticəsində əmlak bazarı daha cəlbedici olduğundan bu ölkədən ev alanlar çoxalır.

Oxu.Az xəbər verir ki, say etibarilə siyahıya ərəblər başçılıq etsələr də, İngiltərə və Almaniya vətəndaşları arasında Türkiyədə ev alanlar da sürətlə artır.

Eyni zamanda, rusiyalıların da Türkiyə həvəslərinin böyük olduğunu aldıqları mənzillərin sayında görmək olar. Azərbaycanlılar isə bu siyahıda ilk onluqda elə onuncu yerdədirlər.

Türkiyə Statistika Qurumu Başqanlığının açıqladığı rəqəmlərə görə, 2018-ci ilin yanvar-oktyabr aylarında azərbaycanlılar Türkiyədə 940 mənzil alıblar, halbuki 2017-ci ilin 10 ayında bu 789 mənzil idi.

Düzdür, 2018-ci ilin oktyabr ayında azərbaycanlılar Türkiyədə cəmi 177 mənzil alıblar, amma 2017-ci ilin oktyabr ayında bu göstərici 278 idi, buna baxmayaraq, ümumilikdə bu ilin 10 ayında ev alanların sayı artıb. Cari ilin on ayında rəqəmlərin 940-a yüksəlməsi, göstərici etibarilə 2016 və 2017-ci illəri qabaqlayır. Yəni bu illərdə azərbaycanlılar Türkiyədə müvafiq olaraq cəmi 610 və 942 mənzil almışdılar.

http://emlakjurnali.az