Elie Saab Sea Breeze Resort ərazisində

Dünya brendi Elie Saab Sea Breeze-də təqdim olunur.

Sea Breeze şəhər-kurortu beynəlxalq mərkəz statusunu daha da gücləndirir. Xəzər dənizi sahilində Azərbaycanın ilk brendli yaşayış kompleksi – Panorama by ELIE SAAB inşa olunacaq. Layihə dünyaca məşhur moda evi ELIE SAAB ilə əməkdaşlıq çərçivəsində həyata keçirilir.

Sabah Investment Group və Reportage Properties şirkətləri ELIE SAAB ilə tərəfdaşlıq elan edərək, Sea Breeze-in müasir yaşayış mühitinin inkişafında yeni mərhələyə qədəm qoyurlar. Şəhər-kurortun prestijli hissəsində yerləşən və Xəzər dənizinə möhtəşəm mənzərələr açan Panorama by ELIE SAAB, ELIE SAAB Maison ruhunda yaradılmış memarlıq, panoramik məkanlar və zərif interyerlərin harmoniyasını əks etdirir. Layihədə yüksək keyfiyyətli italyan materialları və mebellərdən istifadə olunur. Konsept Sabah Investment Group təcrübəsini, Reportage Properties beynəlxalq yanaşmasını və ELIE SAAB-ın zərif üslubunu birləşdirərək, dənizkənarı rahat və incə zövqlü yaşayış mühiti yaradır.

Orxan Mustafayev, Sabah Investment Group idarə heyətinin sədri bildirib:
“Panorama by ELIE SAAB — Reportage Properties ilə tərəfdaşlığımızda yeni mərhələdir. Bu, Azərbaycanda ilk brendli yaşayış kompleksi olmaqla, Sea Breeze icmasına Xəzər sahilində yeni yaşayış standartı gətirəcək.”

Andrea Nucera, Reportage Group-un icraçı direktoru vurğulayıb:
“Biz beynəlxalq dizayn standartlarını yerli dəyərlərlə birləşdirərək, hər bir sakinin öz həyat hekayəsini quracağı müasir yaşayış məkanı yaradırıq.”

Panorama by ELIE SAAB layihəsi Azərbaycanın memarlıq və lifestyle sahəsində mühüm mərhələ olacaq, moda, dizayn və müasir yaşayış tərzini bir məkanda birləşdirəcək.

Bundan əvvəl, Azərbaycan Beynəlxalq İnvestisiya Forumu (AIIF-2025) çərçivəsində Sea Breeze-də turizm və qonaqpərvərlik sahəsində genişmiqyaslı təşəbbüslər təqdim olunub. Forumda Crowne Plaza, Radisson Blu, JW Marriott, The Luxury Collection, Rixos kimi altı aparıcı beynəlxalq otel brendi şəhər-kurortun inkişafına qoşulub. Bundan əlavə, Nobu Hospitality brendi ilə birgə Nobu Hotel, Restaurant & Residences layihəsi Xəzər sahilində həyata keçiriləcək. Kompleks 80 otaqlı otel, 100 rezidensiya və brend üslubunda beş villadan ibarət olacaq. Tərəfdaşlıq həmçinin Nobu Sea Breeze Montenegro layihəsini də əhatə edir və bu, şəhər-kurort konseptinin Azərbaycan hüdudlarından kənara çıxmasını təmin edəcək.

source

Panorama by Elie Saab Sea Breeze proyektində Satışlar start veriləndə, əmlaklar haqqında elanları bu vebsaytda izləyə bilərsiniz eliesaabseabreeze.com