Villa Badam Residence & Spa Masazırda evler
Duzlu göl ətrafında yaşayış evləri
masazir villa badam
badam villa
villa badam azerbaijan
villa badam masazir
villa badam
villa badam residence spa
villa badam kompleksi
masazirda heyet evleri
masazirda ev satilir
Müasir avtomobil yolu ilə cəmi 15 dəqiqə getdikdən sonra siz artıq vurnuxan şəhərdən uzaqlaşır, rahatlıq və komfort aləminə düşürsünüz.
Müasir şəhərətrafı Villa Badam qəsəbəsi üzü gölə baxan 30 illik badamlıqda yerləşir. Burada bütün il yaşamaq üçün hər şey nəzərə alınmışdır.
Kaliforniya arxitekturasının elementlərindən istifadə edilməklə təcrübəli Amerika mütəxəssisləri tərəfindən layihələndirilmiş bu şəhərcik yaşamaq, istirahət etmək və əylənmək üçün ən sevimli guşələrdən biri olacaqdır.
Təsviri
Kotteclərdən ibarət Villa Badam qəsəbəsi– etibarlı kommunikasiyaları olan abadlaşdırılmış şəhərətrafı evlər, əl dəyməmiş təbiət, şəhər komfortu, yerləşdiyi yerin uğurlu olması, yaxşı yollar, özünə layiq adamlarla qonşuluq deməkdir.
Amerika standartlarından istifadə sayəsində layihələndirmə zamanı bağ evlərinin ən böyük çatışmazlığı olan darısqallıq və saysız-hesabsız hasarlardan imtina etmək mümkün olmuşdur. Şəhərcik özünün genişliyi, komfortu və təhlükəsizliyi ilə adamı valeh edir.
26 ha-dan da çox sahədə yerləşən qəsəbə 4 tip: 6,5 sotdan tutmuş, 20 sotadək sahəsi olan A, B, C, D tipli villalardan ibarətdir. Qəsəbənin məziyyəti ondadır ki, villalar arasında hasarlar yoxdur: onlar bir-birindən çəpərlərlə ayrılır. Ərazinin zonalara düzgün bölüşdürülməsi və yerin təbii relyefi sayəsində Siz öz sahənizdən uzaqları da görürsünüz.
Müasir müşahidə sistemləri ilə birgə sayıq və etibarlı keşikçilər gecə-gündüz rezidentlərin və onların ailələrinin təhlükəsizliyini təmin edirlər.
Hər bir villada iki avtomobil üçün qapalı qaraj, camaşırxana və qazanxana, rahat mətbəx - yemək otağı, buxarısı olan geniş qonaq otağı, quraşdırılmış vannaları və paltarasma otaqları olan valideynlər üçün yataq otaqları vardır.
Bizim şəhərdə villa alarkən Siz torpaq sahəsinin sahibi olursunuz, bu isə pul vəsaitinin yaxşı yatırımıdır. Axı məhz şəhərətrafı daşınmaz əmlakın dəyəri ildən-ilə artır.
Yerləşdiyi yer
Villa Badam Bakıdan 15 km şimalda Abşeron yarımadasının ən səfalı yerində –Masazır gölünün sahilindəki badamlıqda yerləşir. Qonşuluqda təbii duzlu gölün və çoxillik ağacların olması sayəsində Siz rayonun çox gözəl ekologiyasından həzz almaq və səhhət üçün zəruri olan yod və brom ilə zəngin təmiz hava ilə nəfəs almaq imkanı əldə edirsiniz.
Yerləşdiyi yerin üstünlüyü onun əsas nəqliyyat magistrallarına yaxın olmasıdır. Artıq indi şəhərdən gəlmək üçün cəmi 15 dəqiqə vaxt lazımdır, dövlət yol infrastrukturunun inkişafı proqramının həyata keçirilməsi, dairəvi yolun və yeni körpülərin çəkilişi sayəsində Villa Badamdan istər şəhərin tarixi hissəsinə, istərsə də Bakının istənilən rayonuna, o cümlədən Beynəlxalq aeroporta asan çatmaq mümkün olacaqdır.
İnfrastrukturu və texniki xüsusiyyətləri
Layihəni yaradanlar öz təcrübə və biliklərindən istifadə edərək, Sizin evinizin bütün göstəricilər üzrə aşağıdakı müasir standartlara uyğun gəlməsi üçün əllərindən gələni etmişlər:
• qəsəbənin vahid arxitekturası;
• şəxsi istismar xidməti;
• evlərin konstruksiyasının seysmik dözümlü olması;
• tavanın 3.40 m hündürlükdə olması və rigelsiz planlaşdırma;
• özülün hidroizolyasiyası və gizli sel kanalizasiyası;
• magistral su kəməri və su təchizatı sistemi;
• magistral qaz və hər bir evin fərdi isitmə sistemi;
• mərkəzi elektrik təchizatı və hər villada elektrik şəbəkəsi;
• ehtiyat generatorlar sistemi;
• telefon rabitəsi və internet;
• hər bir villanın vitraj şüşələnməsi və geniş, bəzədilmiş eyvanlar;
• hər bir evdə buxarı;
• yanğın təhlükəsizliyi sistemi;
• villaların istilik izolyasiyası və müasir bəzək materialları;
• ərazinin gecə-gündüz mühafizəsi və video-müşahidə, qəsəbənin perimetri üzrə hasar, nəzarət-buraxılış məntəqəsi;
• asfalt örtüklü geniş küçələr, piyada və velosiped yolları, daşla döşənmiş, gözoxşayan bordyur və qazonlar;
• park zonası və çox qəşəng giriş qrupu;
• bəzək işıqlandırılması və vahid stildə hasara alınması, abadlaşdırılmış ictimai zonalar.
Qəsəbənin ərazisində həmçinin mağaza, restoran, aptek, açıq və qapalı oyun meydançaları, çoxsaylı rekreasiya zonaları və s. fəaliyyət göstərir.
Qeyd etmək lazımdır ki, Villa Badam kottec qəsəbəsinin təxminən 40% ərazisi infrastruktur üçün ayrılmışdır.
Fitnes və spa
Layihəni yaradanların planına əsasən müasir Villa Badam kompleksində istər yaşlıların, istərsə də uşaqların idmanla məşğul olması, əylənməsi və istirahətinin təşkil olunması üçün hər şey nəzərdə tutulmuşdur.
5400 m2 sahəsi olan ikimərtəbəli Fitnes və spa mərkəzi sakinlərin və onların qonaqlarının ixtiyarına verilmişdir.
Müasir standartlara uyğun quraşdırılmış fitnes mərkəzinə açıq hovuz, spa mərkəzi, müasir trenajer zalı, aerobika zalı, qapalı 25 metrlik hovuz, masaj kabinetləri, saunalar və türk hamamı daxildir.
Aktiv istirahət etmək və kollektiv oyunlar təşkil etmək üçün açıq futbol meydançası, tennis kortu, basketbol və voleybol meydançaları vardır.
Sakinlərin və qonaqların öz boş vaxtlarını keçirmək üçün Fitnes mərkəzinin 2-ci mərtəbəsində mətbəxi və xidmətedici işçi heyəti olan 200 nəfərlik tədbirlər zalı, yay eyvanı olan qəhvəxana, bilyard otağı, uşaqlar üçün oyunlar otağı, konfrans zalı və VIP otaq fəaliyyətdədir.
Bundan başqa, yaxınlıqda təxminən 2 hektar sahədə onlarla oyun meydançaları və əllə yaradılmış gölü olan xüsusi olaraq layihələndirilmiş park yerləşir.
Müasir kinoteatr, örtülü uşaq oyun meydançası, uşaqlara xidmət otaqları da Villa Badam şəhərciyinin sakinlərinin ixtiyarına verilmişdir
