Bakıda yeni söküntü Kirayə evlər nə qədər baha

Bakıda yeni söküntü – Kirayə evlər nə qədər bahalaşacaq? VİDEO

Köhnə, qəzalı binaların sökülməsi planlaşdırılır.

Xəzər TV-nin məlumatına görə, Nazirlər Kabinetinin qərarına əsasən, Bakı şəhərində Suraxanı rayonunda 63, Nəsimi rayonunda 226, Xətai rayonunda 99, Nərimanov rayonunda 219, Nizami rayonunda 131, Yasamal rayonunda 18, Səbail rayonunda 41, Pirallahı rayonunda isə 297 yaşayış binasının sökülməsi nəzərdə tutulub.

Şəhərdə aparılan söküntü işləri daşınmaz əmlak bazarına da təsir edəcək.

Əmlak eksperti Elnur Fərzəliyevin sözlərinə görə, bu ərazilərdə kirayə mənzil axtaranların sayı artacaq.

Mütəxəssislər bildirirlər ki, tələb təklifi üstələdiyindən süni qiymət artımı qaçılmazdır. Hətta qiymətlərin 25-30 faiz yüksələcəyi ehtimal edilir.

Bazarın ümumi mənzil qiymətlərində də artım gözlənilir.

Ekspertlər hesab edirlər ki, söküntü işlərinin mərhələli şəkildə aparılması qiymətlərin sabit qalmasına kömək edə bilər.

Daha ətraflı məlumat üçün videomaterialı təqdim edirik.

source