Bakıda evlərin qiyməti ucuzlaşacaq



"Əmlak bazarındakı "köpüklər" partlamaq ərəfəsindədir" Tarix : 17.11.2014

2014-cü ilin geridə qalan ayları Bakının və eləcə də ölkənin mənzil bazarında öz spesifikliyi ilə yadda qaldı. İlin əvvəlindəki sürətli qiymət artımları daha sonra azalma, payıza doğru isə stabilləşmə və son ayda isə durğunluq ilə müşahidə edildi. Bununla belə, qarşıdakı ay yarımda durğunluğun davam edəcəyi və 2015-ci ilin ilk aylarından başlayaraq isə əmlak bazarında tələbin azalacağı proqnozlaşdırır. Tələbin azalmasına baxmayaraq, ötən ay və eləcə də noyabrın geridə qalan günlərində hələlik qiymət azalması qeydə alınmadı. Amma dünya bazarındakı son dəyişikliklər, neftin qiymətinin ucuzlaşmasının Bakının mənzil bazarına təsirsiz ötüşməyəcəyi gözlənilir.


İqtisadçı ekspert Vüqar Bayramov Analitik.az-a şərhində bildirib ki, əmlak bazarındakı son 2 ildəki qiymət artımları heç də iqtisadi səbəblərlə əlaqələndirilmir. Əksinə, ötənilki qiymət artımlarında iqtisadi faktorlardan daha çox, süni və eləcə də psixoloji amillər rol oynayırdı. Artıq əmlak bazarındakı "köpüklər" partlamaq ərəfəsindədir. Bu isə mənzil bazarında yenidən qiymət azalmalarında özünü göstərə bilər. Onun sözlərinə görə, neftin dünya bazar qiymətində azalmaları davam edərsə, bu, əmlak bazarında tələbatın azalmaslna və qiymətlərin aşağı düşməsinə səbəb olacaq: "Neft ölkəsi olan Azərbaycanda dövriyyədə olan pulun həcmi eyni zamanda qara qızılın dünya bazar qiyməti ilə sıx bağlıdır. İxracımızın 94 faizinin neft və neft məhsullrından ibarət olduğunu nəzərə alsaq, bu zaman enerji sektorunun digər sferalar ilə əlaqəsini müəyyənləşdirmək çətin olmaz. Dünya bazarında neftin qiymət azalmaları büdcədən müdafiə olunmayan bir sıra xərclərə sekvest tətbiq edilməsinə gətirib çıxara bilər ki, bu da eyni zamanda özəl xərcləmələrə təsir göstərəcək. Digər tərəfdən, psixoloji olaraq strateji məhsulların dünya bazar qiyməti aşağı düşən zaman əmlaka olan tələbatın azalması müşahidə edilir. Eyni zamanda neftin dünyada ucuzlaşması təəssüf ki, adətən qlobal böhranlara işarə kimi yozulur".



Ekspert əlavə edib ki, Rusiya iqtisadiyyatinda müşahidə edilən durğunluq burada yaşayan azərbaycanlıların da maliyyə vəziyyətinə mənfi təsir göstərir. "2014-cü ildə Rusiyada yaşayan azərbaycanlıların, ölkəmizə göndərdikləri pulun məbləğinin ən azı 30 faizə yaxın azalacağı gözlənilir. Monitorinq və sorğular göstərir ki, mənzil bazarına tələbatın təxminən 1/3-i MDB-də, xüsusən də Rusiyada yaşayan azərbaycanlıların payına düşür. Biznesi zəifləyən həmyerlilərimiz artıq paytaxtın mənzil bazarında ciddi tələb formalaşdıra bilmirlər. Başqa tərəfdən, Rusiyada yaşayan və bizneslə məşğul olan azərbaycanlıların böyük əksəriyyətinin Bakıda mənzili var. Hətta, Rusiayda yaşayan həmyerlimizin bir qismi Bakıda 1 deyil, daha çox mənzilə sahibdir. Həmyerlilərimizin biznesinin zəifləməsi onların Bakıdakı mənzillərini satışa çıxarmasına və təklifin artmasına səbəb ola bilər."



Vüqar Bayramov onu da dedi ki, yaxın müddət üçün paytaxtın mənzil bazarında qiymətlər artmayacaq: "Bakının mənzil bazarındakı qiymətlər artıq tavana dirəndiyi üçün yeni qiymət yüksəlişlərinə real zəmin yoxdur. Son 2 ildə paytaxtın mənzil bazarında müşahidə edilən qiymət artımları, Bakını regionun ən bahalı şəhərlərindən birinə çevrilib. Bu isə mənzil bazarında psixiloji təzyiq formalaşdırıb. Eyni zamanda, paytaxtda infrastrkturun genişləndirilməsi ilə bağlı aparılan söküntülər, mənzil bazarında böyük həcmdə vəsaitin daxil olmasına gətirib çıxarmır. Kompensasiyaların böyük qismi Bakı ətrafı qəsəbələrdə evlərin və ya torpaqların alınmasına yönəldilir. Digər tərəfdən, bu pullar daha çox təkrar mənzil bazarında tələbə təsir göstərir. Beləliklə, Rusiyadakı durğunluq və neftin qiymətindəki kəskin azalmalar davam edərsə, Bakının mənzil bazarında qiymət azalmalarının olacağını proqnozlaşdırmaq çətin olmaz. Deməli, paytaxtın əmlak bazarı yeni dəyişikliklərlə üz-üzədir".

A.ZƏKA/Analitik.az

Mərdəkanda villa 360 panorama





Заказ услуг 3D декорации 3D кафель , 3D обои , фрески, наливные полы
Günlük kotteclər
Locations of visitors to this pageЯндекс.Метрика
.

villa.az


Instagram